Колку пари инкасираше ЕЛЕМ од продажба на домашна струја?
Објавено во: Економија 06 Јули, 2018
Државната компанија за производство на електрична енергија ЕЛЕМ инкасирала над 2 милиони евра од продажба на вишоците електрична енергија на аукција пред два дена. Се продале 35.400 мегават часови, по просечна цена од 58,73 eвра за мегават час, соопшти директорот на ЕЛЕМ, Благојче Трповски.
„Во првиот лот се продаваше електрична енергија за август, се работи за дневна електрична енергија од 8 до 20 часот само во работните денови. За тој дел почетната цена на аукцијата беше околу 62 евра, учествуваа седум компании на наддавањето и како конечно се постигна највиска цена од 65 евра за мегават час. Во вториот лот се продаваше електрична енергија како базна за септември,а беше постигната цена од 54,85 eвра за мегават час, рече Трповски.
На четирите аукции на кои АД ЕЛЕМ спроведе продажба на електрична енергија од почетокот
на годинава продадени се 205.560 мегават часа и вкупниот приход на компанијата е 10.799.558
евра. Во претходните години ЕЛЕМ не продавала струја често.