18 Август, 2018
0.3174
    ALK 7956.45    -0.54%     GRNT 793.88    -1.36%     KMB 5168.81    -0.47%     MERM 2006    126.41%     MKSD 204    0%     MPT 44500.29    -1.11%     MTUR 4600    -1.08%     OHB 6500    -0.01%     OKTA 4215.18    -6.1%     PPIV 44500    -1.13%     RADE 1700    -0.12%     RMDEN17 96.02    -0.08%     RZEK 30    0%     RZTK 511    0%     RZUS 120    -2.94%     STB 1031.49    0.11%     STIL 131.22    -1.34%     TEL 277.4    -1.52%     TNB 14130    -0.46%     TTK 1146    -0.09%     UNI 2400    0.04%     VITA 8767    3%

Колку заработи ФК „Вардар“ во својата најуспешна сезона?

Објавено во: Економија 13 Јуни, 2018

Добивката на „Вардар“ во најдобрата  сезона во 70 годишната историја е 800.000 евра. Сите приходи на „Вардар“ во 2017 година, во која го направи најголемиот успех во историјата на македонскиот клубски фудбал – играше во групи во Лига Европа, изнесуваат над 6 милиони евра и 60 отсто од нив се пари од УЕФА кои ги доби благодарејќи на пласманот во таа лига

Македонската фудбалска гордост, како што знаат да го кажат спортските коментатори, фудбалскиот клуб „Вардар“ лани ја имаше најуспешната фудбалска сезона во својата 70 годишна историја. „Вардар“ лани за прв пат во својата историја успеа да се пласира во група во лига Европа континентално натпреварување што по својот ранг е на второ место веднаш по најквалитетната светска лица –европската Лига на шампиони.

„Вардар“ во својата најуспешна сезона остварил приходи од вкупно 375,2 милиони денари односно над 6 милиони евра и во споредба со 2016 година, лани неговите приходи од продажба биле поголеми за 2,3 милиони евра односно за 60 отсто.

Расходите на „Вардар“ лани биле 302,3 милиони денари и клубот финансиската година ја завршил со добивка од 48,7 милиони денари односно околу 800.000 евра. Тоа во споредба со 2016 година е неспоредливо подобар резултат кога добивката била 512.000 денари.

Најголеми приходи од донација од УЕФА

Лани најмногу пари „Вардар“ земал од УЕФА и тоа 224,6 милиони денари односно 3,63 милиони евра што е 60 отсто од сите приходи на друштвото. Во споредба со 2016 година, лани „Вардар“ од УЕФА добил 4,5 пати повеќе пари и тоа е сумата што ја добил како поддршка заради поминатите елиминации и пласманот во група во Лига Европа. Втора по големина приходна ставка се парите добиени од спонзорства кои изнесуваат 83,6 милиони денари и во споредба со 2016 година се повеќе од преполовени затоа што тогаш изнесувале 175,2 милиони денари.

Од телевизиските права на натпреварите во квалификациите и во Лига Европа „Вардар“ лани добил 42,9 милиони денари односно вкупно 700.000 евра. Во 2016 година „Вардар“ нема приходи по овој основ. 

Последна и најмала приходна ставка на „Вардар“ се продадените билети. Во достапните податоци пишува дека „Вардар“ нема приход од продажба на влезници за домашно првенство, но од продажба на билети за Лига Европа инкасирал 17,4 милиони денари и тоа е 13 пати повеќе од 2016 година. 

Р.Ф.

Можеби ќе ве интересира

ЛИРАТА ВО ПАД: Како заканите на Трамп ја „зашеметија“ турската валута

ЛИРАТА ВО ПАД: Како заканите на Трамп ја „зашеметија“ турската валута

КИНА И ТУРЦИЈА НА ВРВОТ: Од каде во Македонија доаѓаат најмногу фалсификати?

КИНА И ТУРЦИЈА НА ВРВОТ: Од каде во Македонија доаѓаат најмногу фалсификати?

Колкав девизен прилив од туризам ќе има Македонија?

Колкав девизен прилив од туризам ќе има Македонија?

Барате работа? Вработуваат овие фирми ...

Барате работа? Вработуваат овие фирми ...

ТРАМП ПОВТОРНО СО „УДАР“ КОН ТУРЦИЈА НА ТВИТЕР: Лирата во пад

ТРАМП ПОВТОРНО СО „УДАР“ КОН ТУРЦИЈА НА ТВИТЕР: Лирата во пад

Како „Комунална хигиена“ врти милиони евра од наплата за одржување на чистотата во Скопје

Како „Комунална хигиена“ врти милиони евра од наплата за одржување на чистотата во Скопје

Фирмите со месеци не можат да си ги наплатат долговите од компании кои им должат

Фирмите со месеци не можат да си ги наплатат долговите од компании кои им должат

Свети ли Скопје? Колку троши на плати „Комунална хигиена“?

Свети ли Скопје? Колку троши на плати „Комунална хигиена“?

Како „Прилепска пиварница“ продава пиво и сокови за 100.000 евра дневно?

Како „Прилепска пиварница“ продава пиво и сокови за 100.000 евра дневно?