Куќен притвор доби Стевчо Јакимовски
Објавено во: Македонија 19 Март, 2019
Kуќен притвор e oдреден за екс градоначалникот на Општина Карпош, Стевчо Јакимовски поради злоупотреби со легализација на градежни објекти и државно земјиште.
Јакимовски девет часа беше во Кривичниот суд заедно со уште негови двајца соработници вработени во општината, сите осомничени дека ја злоупотребиле службената положба.
Јакимовски според кривичната пријава поднесена од МВР, од позиција на градоначалник им овозможил на три фирми да се стекнат со земјиште кое било во државна сопственост, така што го легализирал земјиштето спротивно на Законот.
Обвинителството за организиран криминал бараше притвор, но поради здравствени причини на Јакимовски му е одредена поблага мерка.