КУМУЦАКОС ЗА ИМЕТО: Владата во Грција е поделена на три дела за ова важно прашање

Добивај вести на Viber

Пратеникот на грчката опозициска партија Нова Демократија задолжен за надворешна политика, Јоргос Кумуцакос повторна ја нападна грчката Влада за тоа дека нема заедничка и единствена позиција за прашањето за спорот околу името. 

Кумуцакос во интервју за државната агенција АПЕ-МПЕ изјави дека, за разлика од владините партнери, неговата партија има јасен став за името, оној од Букурешт од 2008.

Според него,  актуелната Влада во Грција е поделена на три дела за ова, како што вели „важно прашање“.

Од една страна се министерот за финансии Цакалотос, министерот за образование Гавроглу, советникот на премиерот, Караникас, поранешната министерка Христодулопулу, со друг став е шефот на грчката дипломатија Никос Коѕијас, а сосема трет има министерот за одбрана и коалиционен партнер Панос Каменос кој не ја крие неговата позиција дека е против терминот Македонија да биде вклучен во името на соседната земја.

Тој ја потенцира потребата грчката Влада да изгради единствена позиција, која ќе ја поддржува целото владино мнозинство.

„Земјата не може да преговара со матни стремежи“ - смета Кумуцакос.

Во изминатиот овој виден член на опозициската Нова демократија сѐ погласно и поинтензивно коментира дека Грција не може да влегува во преговори со министер за надворешни работи и за одбрана со дијаметрално спротивни позиции во спорот со името.