КУПИЛ ЦИГАРИ СО 50 ЕВРА - полицијата го уловила него и другарите дека фалсификуваат пари
Објавено во: Македонија 27 Ноември, 2020
Млади, малолетни делчевчани фалсификувале пари. Но, биле уловени така што едниот отишол да купи цигари со банкнота од 50 евра, кои и станале сомнителни на продавачката ио таа го прјавила случајот.
МВР соопшти дека на 25 ноември, од страна на А.К. од Пехчево околу 19.30 часот е пријавено кривично дело „фалсификување на пари“ од чл.268 од КЗ.
„Имено А.К. , продавачка во продавница, пријавила дека во продавницата влегло машко лице и побарало една кутија цигари, но бидејќи немал денари, платил со банкнота од 50 евра. Подоцна А.К. се посомневала дека банкнотата е фалсификат и случајот го пријавила во полициска станица. Од страна на ОВР Берово, по овластување на ОЈО Кочани, е извршен увид во продавницата и извршени се оперативни проверки, од кои е дојдено до сознание дека можен сторител е малолетник (17) од Делчево, а биле инволвирани и други лица“, се вели во соопштението од МВР.
Утредента полициски службеници од ОВР Делчево извршиле претрес на три локации во Делчево и извршен е разговор со четири лица. Претрес е извршен кај С.М. (19) и во домови на двајца малолетници (17) и (16) од Делчево. Од извршените претреси одземени се лаптоп, три мобилни телефони и испечатани разни банкноти. Потоа во полициска станица извршен е разговор со уште еден малолетник (16) од Делчево.
„По документирање на случајот ќе биде поднесен соодветен поднесок до надлежното обвинителство“, информира полицијата.