Лидерот на ЛДП натепан сред плоштад
Објавено во: Македонија 26 Март, 2018
Горан Милевски, претседателот на ЛДП, тврди дека бил физички нападнат на плоштадот во Скопје без никаква причина и затоа се сомнева дека бил удрен од политички мотивирани причини.
„Додека се движев на плоштадот Македонија непознато лице се доближи до мене и започна да ме удира со тупаници по главата. Успеа да ме удри неколку пати по што го оттргнав од себе.Присебноста не ми дозволи да му возвратам во тој момент и добро е што избега, бидејќи не знам како ќе завршеше целиот настан“, вака претседателот на ЛДП Горан Милевски за ТВ 24 го опишува инцидентот во кој бил физички нападнат.
Милевски добил телесни повреди по што отишол во болница, а случајот го пријавил и во полиција. Оттаму го потврдуваат настанот.