Медицински лица први на „фронтот“ за вакцина, Филипче ќе почека
Објавено во: Македонија 17 Февруари, 2021
Во Македонија, вакцинацијата на населението против ковид-19 стартува денес во 10 часот во модуларната болница во близина на Клиниката за инфективни болести, а медицинските работници од инфективно први ќе бидат вакцинирани.
Вкупно 50.200 граѓани се пријавиле да ја примат вакцината преку веб-страницата, додека 23.808 лица се пријавиле преку своите матични лекари, соопшти Министерството за здравство.
Модуларната болница ќе има шест места за вакцинација, отворени од 8:00 до 20:00 часот. Медицински екипи од Здравствениот дом во Скопје ќе ги ставаат инекциите.
Досега 4.000 здравствени работници поднеле барање за вакцинирање, од кои 2.000 се од главниот град.
Првата група од 4.680 од 8.000 вакцини „Фајзер“, донирани од Србија, пристигна во неделата. Тие ќе се користат за имунизација во модуларната болница со седиште во Скопје.
Кога ќе пристигне остатокот од донацијата, таа ќе биде дистрибуирана на местата за вакцинација низ целата земја.
Други 200.000 вакцини произведени од кинеската компанија Синопфарм треба да пристигнат до средината на февруари. Земјава исто така треба да добие дополнителни дози на вакцина преку директни преговори со „Фајзер“, како и преку Ковакс.
Министерот Филипче сепак, нема да биде меѓу првите кои ќе се вакцинираат. Тој нема да го следи примерот од многу негови колеги од регионот и светот и предност како што кажа им дава на неговите колеги медицински лица.