Добивај вести на Viber
Град Скопје предложи нова листа со називи на улици, мостови, плоштади со кои ќе биде дополнет регистарот. Дел од новите имиња се впрочем старонови односно ќе ги заменат постојните кои беа изгласнаи за време на претходната власт. Доколку се промени името на улицата на која живеат граѓаните нема да треба веднаш да ги менуваат личните карти туку тогаш кога ќе им истече важноста. Сепак за фирмите ова не е случај. Павле Гацов претседател на Здржението на даночници и консултант вели дека менувањето на називите на улиците ќе биде директен трошок за компаниите и ќе влијае на нивната профитабилност, која е лоша во периодот.
„За разлика од граѓаните кои личните карти би менувале со истекот на важењето, компаниите заради запазување на ажурноста како законска обврска уредена со Законот за даночната постапка, Законот за едношалтерскиот систем и Законот за регистрирање на готовинските плаќања ќе мора да:
- ги променат податоците во Централниот регистар (да платат за тоа),
- ги уредат записите во софтверите за издавање на фискални сметки (да платат за тоа),
- ја известат УЈП преку РДО за ваквите промени (бесплатно),
- усогласат документација, интерни софтвери, интернет страници (да трошат ресурси и време), напиша Гацов.
Додава дека уште сега, доаѓаат најави ако дојде друг градоначалник дека пак ќе ги врати старите називи на улиците.
„На овие улици со старо-ново-стари називи се регистрирани и фирми кои ги поседуваат странци. Зарем само странци, а нашите? Нашите се отрпнати. Некој да не сакаше да зборува за подобрување на бизнис климата и за привлекување на странски инвестиции (надвор од ТИРЗ-овите), за стартапи!? вели Гацов.