Меркел: Да не притискаме за брза разделба со Британија
Објавено во: Свет 26 Јуни, 2016
Преговорите треба да се одржат во добра клима, смета германската канцеларка, Ангела Меркел.
Откако британскиот премиер Дејвид Камерон најави дека ќе поднесе оставка до октомври поради резултатите од референдумот, европските политичари и институции се почувствуваа слободни да го „бомбардираат“ Обединетото Кралство со барањето што побрзо да ја напушти унијата.
Основачите на Европската унија сакаат Британија да се повлече е можно побрзо.
Меркел се обиде да ги тргне тензиите и притисокот за брзо излегување на Велика Британија од унијата. Таа појасни дека нема да го притиска Камерон, откако тој изјави дека нема да ги започне формалните преговори за напуштање на унијата до октомври.
„Искрено, тоа не треба да трае премногу долго, тоа е точно, но јас не би се борела во моментов за пократка временска рамка. Велика Британија ќе остане близок партнер, со кој сме економски поврзани"- рече Меркел.
Европската централна банка соопшти дека британската финансиска индустрија во која се вработени над 2,2 милиони луѓе, ќе го изгуби правото да служи клиенти во ЕУ.