МЕТОДОЛОГИЈАТА ГО ТРАСИРА ПАТОТ КОН ЕУ: Ништо без владеење на правото
Објавено во: Македонија 05 Февруари, 2020
Познато е кои ќе бидат условите за членство во Европската Унија.
ЕУ ја објави новата методологија за преговори, а тие ќе почнуваат и завршуваат со владеење на правото.
Акцентот е ставен на кредибилност, предвидливост, динамичност и засилено политичко раководење. Документот предвидува запирање на преговорите, дури и нивно враќање назад ако некоја од кандидатките стагнира или назадува во реформите. Во методологијата се вградени и барањата на Франција.
„По оваа методологија ќе следат ревидирани извештаи за Северна Македонија и Албанија, се надевам до крајот на месецов, и сега се трудиме да го забрзаме напредокот на овие две земји за да имаме одлука за почеток на преговори пред Самитот во Загреб во мај“, вели комесарот Оливер Вархеји.
Методологијата треба да биде усвоена од европските лидери на првиот состанок на Европскиот совет годинава кој ќе се одржи на 26 март.
Оваа методологија ќе важи за пристапниот процес за сите земји од регионот, освен за Србија и Црна Гора кои ќе можат да бираат дали преговорите ќе ги продложат по стариот или новиот модел.
Владата е задоволна од новата методологија за преговори со ЕУ.
„Денеска е првиот ден кога процесот на враќање на кредибилитетот почнува силно и позитивно“, изјави денеска на прес-конференција вицепремиерот задолжен за европски прашања Бујар Османи.
Трите главни политички партии во Европскиот парламент ја поздравија ревидираната методолодија.
Центар левицата во Европскиот Парламент бараат поголем фокус во преговорите врз социјалната димензија и животната средина.
Европската народна партија се надева дека после ова конечно ќе можат да започнат преговорите со Северна Македонија и Албанија.
Социјалдемократите предупредуваат дека новата методологија не смее да се користи како оправдување за дополнително одлагање на преговорите со двете земји.Анкара пак побара од Европската унија да ја тргне „вештачката поделба“ меѓу Западен Балкан и Турција во политиката за проширување на ЕУ.
Можеби ќе ве интересира
ИМА НЕДВИЖЕН ИМОТ НА СВОЕ ИМЕ, ДОСЕГА Е НЕОСУДУВАН... - од Врховен суд ги изнесоа причините зошто не треба затворски притвор за таткото на Вања
„АКО СЕ БИДЕ ВО РЕД, ВО ИДНАТА ВЛАДА ЌЕ БИДАТ ЗАЕДНО ВМРО-ДПМНЕ И ЗНАМ“ - новинарот Латас со прогноза
Левица во Битола оддаде почит на загинатите бранители во Вејце
ЛУКАРЕВСКА: Вредностите секогаш не обединувале, и кога било најтешко и кога е најважно, да не го потцениме моментот, сега е најважно
ЧУДНИ РАБОТИ СЕ СЛУЧУВААТ ВО ОХРИД - скопјанец однесен во болница повреден со остар предмет, но рекол дека се самоповредил!?
ЏЕВДЕТ ХАЈРЕДИНИ: Бидејќи Еди Рама го прогласи Али Ахмети за „пионер на Отворен Балкан“, и Белград да го прогласи за почесен граѓанин
БОКИ 13 ВЕРЕН НА СВОЈОТ СТИЛ, СЕ ПОЈАВИ ВО СКАПА ОБЛЕКА И ПОСАКА УБАВ ДЕН - „отсекогаш сум ги сакал сончевите неделни утра“
ОСУМ СВЕЌИ ЗА ОСУМТЕМИНА ЗАГИНАТИ БРАНИТЕЛИ ВО КРВАВАТА ЗАСЕДА КАЈ ВЕЈЦЕ - 23 години подоцна Достоинство се потсетува
СЕ ОГЛАСИ ПРОФЕСОРКАТА НАЈЧЕВСКА - Алтернатива на СДСМ не е ВМРО-ДПМНЕ, не е ни ЗНАМ, не е ни Левица
