Мицкоски: Државниот ревизор констатира пљачка од 4,6 милиони евра кај СЈО, обвинителството молчи

Лидерот Христијан Мицкоски, денеска најавувајќи го протестот на ВМРО-ДПМНЕ в сабота, напиша дека една од причините за изразувањето на незадовослтвото пред Министерството за правда е и објавениот извештај на државниот ревизор за спорните и енормни надоместоци од 4,6 милиони евра потрошени за вработените на поранешното СЈО. Претседателот на најголемата опозициска партија вели дека Обвинителството и натаму молчи иако извештајот беше објавен пред два дена.

Надоместоците кои се делеле во некогашното Специјално јавно обвинителство во периодот од 2015 до 2019 година, не биле во согласност со законоте. За жал, јавноста нема да дознае никогаш кој обвинител точно колку пари зел, затоа што се работи за класифицирани информации. Но, од Државниот завод за ревизија единствено откриваат дека надоместоците биле во многу висок и проблематичен износ, односно дури 4,6 милиони евра, за почитување на принципот на тајност.

- Образованието крахира, а владата експериментира со најмладите,

- Културните работници мафијата ги прогласи за социјално ранлива категорија.

- Здравството е на колена, секојдневно лекари и медицински персонал го напуштаат, никогаш не излеговме од Ковид пандемијата, а секој ден броиме наши синови, ќерки, родители кои ги губат животите поради неспособноста на надлежните.

- 4,6 милиони € констатира пљачка во СЈО државниот ревизор, а обвинителството молчи, чека насока од мафијата. Нема правда, нема мир...