Мицкоски: Ќе поднесеме предлог за гласање доверба на Владата

Добивај вести на Viber

Пратеничката група на ВМРО-ДПМНЕ во Собранието ќе поднесе предлог за расправа за доверба на Владата рече претседателот на партијата во вчерашното гостување во емисијата „Клик Плус“ на ТВ21. Рече дека предлогот ќе биде доставен следната недела и дека расправата ќе биде аргументирана.

„Да видиме кој што ќе каже, бидејќи силите во парламентот се пола-пола. Ценам дека сите овие порази кои се случуваат на македонската политичка сцена, а кои се резултат на незнаењето, или неработата, или ограничените капацитети на одговорните, мислам треба да кулминираат со една постапка во Собрание каде ВМРО-ДПМНЕ заедно со другите опозицискии партии ќе побара дебата за работата на Владата после овие 100 дена, или треба да се расправа за доверба на владата, рече Мицкоски.

Во интервјуто тој изјави дека ставовите на премиерот Зоран Заев искажани за БГНЕС му предизвикале чувство на гадење.

„Интервјуто предизвика чувство на вознемиреност до гадење, особено кога чув дека од Струмица до Петрич говореле со дијалект на бугарскиот јазик. Македонците во Струмица зборуваат на македонски јазик. И тоа е една глупост. Јас не знам дали тоа го прави од незнаење, дали од немоќ, дали да остави поциркузантски впечаток, па да си поигруваат со него. Исто така не можам да се сложам дека имаме заедничка историја со Бугарија, се додека не подрезбарат дека тоа се два различни народи. Таа различна историја не може да биде знак на равенство, рече Мицкоски.