Министерот Адеми: Владата даде зелено светло за две училишта во Крушопек и Бузалково
Објавено во: Македонија 13 Јуни, 2020
Арбер Адеми, министерот за образование, вечерва објави дека на тековната владина седница бил одобрен предлогот да се формираат две основни училишта на албански јазик во селата Крушопек и Бузалково.
„Владата на Република Северна Македонија на денешната седница го одобри предлогот на Министерството за образование и наука и даде позитивно мислење за формирање на две правни лица, соодветно општински основни училишта, по првичните барања од Општина Сарај и Општина Велес“, објави Адеми.
Училиштето во Крушопек ќе се вика „Напредок“, додека тоа во Бузалково ќе го носи името „Слобода“.