Митов: Не е само за прскање, проблемот со комарците е опасен
Објавено во: Македонија 10 Август, 2018
На проблемот со комарците, треба да се пристапи крајно сериозно, стручно и професионално, вели доктор Александар Митов, магистер за влијание на животната средина.
Вели дека темата не е за мајтап и сеир.
„Ова е тема со потенцијални смртни случаи. Патем, појавата на ширење на комарците е проблем во неколку земји. Во Европа забрзано се шири тигрестиот комарец - опасен преносител на болести. Тој веќе го има и кај нас. Во Франција ценат дека проширувањето се должи на климата и на развивањето отпорност кон инсектицидите кај комарците. Не е решението во еднократно прскање.Треба да седнат неколку институции на маса и да му пристапат организирано на овој проблем, вели Митов.
Во Франција од почетокот на мај е зголемена активноста против комарците во повеќе области, а според тврдењата сега такви инсекти во некои француски региони има два пати повеќе од пред две години.