МОСУЛ ОСЛОБОДЕН: Џихадистите на колена пред Ирачките сили
Објавено во: Свет 10 Јули, 2017
Ирачкиот премиер Хајдер ал-Абад прогласи победа во "ослободениот" град Мосул, соопшти неговaта канцеларија по катастрофалната речиси 9-месечна битка против "Исламска држава".
Абад "пристигнува во ослободениот град Мосул и им честита на херојските борци и ирачкиот народ за постигнување на голема победа", се вели во соопштението на неговиот кабинет, цитирано од АФП.
Поддржани од меѓународната коалиција на чело со САД, ирачките сили водат од октомври 2016 година широка офанзива за протерување на ИД од Мосул, вториот по големина град во Ирак, кој џихадистите го зазедоа во јуни 2014.Фотографија на официјалниот сајт на Абидал го покажа облечен во црна воена униформа и капа, кога пристигна во Мосул, за да го соопшти за враќањето на градот. Битката не е целосно завршена, а пукањето уште се слушаше во градот во времето кога владата на премиерот ја пушти пораката. Споменатата победа во Мосул бележи сериозен успех за ирачките безбедносни сили, кои се распаднаа пред лицето на џихадистичките напади во Ирак во 2014 година. Ирачките сили почнаа кампања за ослободување на населеното место, во октомври, така што го приведоа источниот дел и ја започната битката за западниот дел во следниот месец. Дури и во последните денови од битката, илјадници цивили останаа заробени во Стариот град, а оние кои избегаа, пристигнаа поцрнети, откако загубија роднини во џихадистичките бомбардирања. Околу 915 000 лица избегаа од Мосул од почетокот на битката за градот во октомври, според ОН.
Ирачките сили се поддржани од коалиција предводена од САД , која се бори со екстремистите во Ирак и Сирија од 2014 година. Обновата на Мосул, сепак, нема да го одбележи крајот на заканата од страна на "Исламска држава", која има територија на друго место во Ирак и врши чести напади на местата држени во владата.