„МОЖЕМЕ! ЗНАЕМЕ! УМЕЕМЕ!“ е мултимедијален инклузивен хепенинг во организација на ГРАЃАНСКА ИНИЦИЈАТИВА 5ДО12.

Добивај вести на Viber

„МОЖЕМЕ! ЗНАЕМЕ! УМЕЕМЕ!“ е потврда на нашите изјави дека веднаш по формирањето на новата Влада, ќе организираме јавен настан на кој ќе ги објавиме нашите барања за интервенции во постоечките законски и подзаконски акти, вклучително и нови законски акти кои се однесуваат на децата и лицата со посебни потреби.

На настанот, во рамки на сценскиот протокол ќе земат учество деца/лица со различни попречености, хендикеп или посебни потреби.

Ќе рецитираме и ќе изведуваме театарски точки ...

Ќе свириме, пееме и играме..

Ке покажеме и докажеме дека и ние ...

„МОЖЕМЕ! ЗНАЕМЕ! УМЕЕМЕ!“

Ве покануваме на дружење, гушкање, игра и забава...

Затоа,

ГРАЃАНСКА ИНИЦИЈАТИВА 5ДО12 ги повикува сите лица со попреченост, хендикеп или посебни потреби, заедно со нивните родители и семејства, да ја поддржат иницијативата и да учествуваат во процесот за изедначување на нивните права.

Со Вашето присуство на настанот, сите заедно ќе покажеме колку не има, и ќе докажеме дека не отстапуваме од нашите ставови, се до конечно исполнување на нашите барања.

5ДО12

Време е...

да се обединиме во заеднички интереси ...

да покажеме колку сме ...

да докажеме дека и ние...

МОЖЕМЕ! ЗНАЕМЕ! УМЕЕМЕ!

* * *

ГРАЃАНСКА ИНИЦИЈАТИВА 5ДО12 ја повикува македонската јавност, да ја даде поддршката за изедначување на правата на лицата со попреченост, хендикеп или посебни потреби.

Со Вашето присуство на настанот, сите заедно ќе покажеме дека сме свесни и зрели да ги прифатиме овие лица како еднакви и рамноправни, и сме спремни сите заедно да се заложиме за остварување на нивните права.

Време е...

да ги прифатиме различностите...

да покажеме разбирање...

да докажеме дека сите заедно...

МОЖЕМЕ! ЗНАЕМЕ! УМЕЕМЕ!

* * *

ГРАЃАНСКА ИНИЦИЈАТИВА 5ДО12 ги повикува одговорните во Собранието и новата Влада, да ја дадат поддршката за изедначување на правата на лицата со попреченост, хендикеп или посебни потреби.

Со Вашето присуство на настанот, ќе покажете дека ги почитувате лицата со попреченост, хендикеп или посебни потреби, и ќе се заложите за изедначување на нивните права согласно Уставот на Р.М.

Време е...

да слушнете за предизвиците со кои се соочуваме...

заедно да обезбедиме долгорочни системски решенија...

заедно да докажеме дека...

МОЖЕМЕ! ЗНАЕМЕ! УМЕЕМЕ!

* * *

На 10 Јуни 2017 година, да излеземе масовно, и сите заедно да ја дадеме поддршката за изедначување на правата на лицата со попреченост, хендикеп или посебни потреби!

Ве очекуваме...

Место: Собрание на Р.М.

Дата: 10 Јуни 2017

Време:18:00 часот