МУ СЕ СУДИ НА ПРИЛЕПЧАНЕЦОТ КОЈ ГО НАВРЕДУВАШЕ ЗАЕВ: Не се кае - екс премиерот му рече да посети психијатар

Добивај вести на Viber

Иван Јованоски локален модератор на партијата „Левица“ во Прилеп денеска присуствуваше на првото судско рочиште, како обвинет дека го нарушил јавниот ред и мир. Настанот за кој му се суди се случи на 11 октомври лани, а тој при прославата на 80-годишнината од почетокот на Народното востание, во криптата на Могилата на непобедените вербално, со зборови, навредливи според обвинението, се обрати до тогашниот премиер Зоран Заев. Обвинението е поднесено од прилепската полиција. денеска Јованоски пред судот изјави дека не се кае за искажаните зборови, но рече и дека не кажал точно како што пишувало во обвинението. 

„Јас сум обвинет од полициски службеник за нарушување на јавен ред и мир и за омаловажување на „некојси“ премиер и за „некоја“ фиктивна Република која практично не постои, неуставна, „некоја си“ Северна Македонија. Ова е за случката на Могилата на непобедените што се случи на 11 октомври 2021 година. За мене е спорно што моите зборови во изјавата се малку испревртени, и не се тие што ги кажав. Цитирам како службеникот од МВР ги има напишано: „Немаш лице да се појавиш овде, му се п….а на сите што се починати, треба да си славите уште еден празник, таму во Бугарија, не овде, ова не е веќе територија. Јас не реков „ова не е веќе територија“, туку реков „ова не е ваша територија“. Не се чувствувам виновен, стојам зад овие зборови. Истото ова лице, Зоран Заев, ги прави пријатели нашите тогашни непријатели, бугарските фашисти. Јас не се каам и стојам зад реченото. Значи, полициски службеник констатира прекршок. На наредното рочиште, од моја страна, е повикан Зоран Заев дали се чувствува омаловажен. Повикани се и полицискиот службеник и мои сведоци дека овие наведени зборови не се токму така кажани. Постојат видео-снимки. Мене не ми е јасно во кој дел има омаловажување. Го искористив прилепскиот жаргон, изјави Јованоски.

За овој вид прекршок, според Законот е предвидена парична глоба. Судскиот процес продолжува на 15 мај. Тој како сведок го повика и поранешниот премиер Заев.

Инаку по неговите дофрлувања, заев на поминување му се обрати и му рече да си посети психијатар.

Конверзацијата е по 4 минута