МВР за средношколецот кој беше пронајден мртов: Починал по пад од висина
Објавено во: Македонија 15 Март, 2023
МВР објави службени детали за средношколецот Јован од скопската гимназија „Георги Димитров“ кој беше пронајден починат, а веста на социјалните мрежи првично ја објави професорката Виолета Ачковска.
Според Ачкоска, тој бил отруен од дрога, додека мајката на Јован во меѓувреме се огласи и напиша на социјалните мрежи дека не се работи за самоубиство во никој случај.
Според соопштението на полицијата, тинејџерот бил пронајден со повреди настанати од пад од висина.
- На 12.03.2023 во СВР Скопје е пријавено дека на плочник пред зграда на подрачјето на Центар е пронајден починат Ј.Т.(18). Извршен е увид од страна на полициски службеници и по насока на Јавен обвинител телото е дадено на обдукција, при што е утврдено дека починал поради повреди настанати од пад од висина, информира МВР.
Ачкоска тврди дека гимназијалецот бил отруен со дрога во кафуле во земјава. Имено, како што пренесуваат повеќе медиуми, средношколец, матурант од скопската гимназија „Георги Димитров“ пред неколку дена починал, неофицијално како последица на дрога ставена во пијалок во кафуле. Неговите другари и соученици, вчера на градските гробиште во „Бутел“ го испратиле Јован во своето вечно почивалиште.
Во еден од коментари се огласи и мајката на Јован која ја потврди смртта на младиот тинејџер, без дополнителни детали за причината.