На своја иницијатива Народниот правобранител веќе отворил предмет за извидничкиот секс-камп
Објавено во: Македонија 01 Октомври, 2021
И Народниот правобранител ќе го истражува случајот со извидничкиот секс-камп за малолетници, кој предизвика бура реакции.
Народниот правобранител без да добие претставка, на своја иницијатива веќе отворил предмет за настанот.
„Факт е дека се работи за ученици, за деца коишто согласно конвенцијата за правата на детето и согласно законската регулатива треба да бидат заштитени од било каква злоупотреба особено кога се работи за деца на чувствителна возраст и за коишто треба особено внимание што сепак го отвара прашањето за вклучување на други органи во конкретниот случај заради обезбедување на соодветна поддршка за надминување на евентуалните трауми“, вели во изјава за „Телма“ Вваска Бајрамовска-Мустафа, заменик на Народниот правобранител.
За случајот реагираше и Детската амбасада „Меѓаши“, од каде извидничкиот камп го нарекоа масовна злоупотреба на деца и побараа надлежните да ги казнат одговорните. Обвинителството отвори предмет за случајот. За настанот, родителите на децата реагираа во медиумите.