НАСА ПРЕДУПРЕДИ: На овие градови им се заканува потоп, од нив два се од Балканот
Објавено во: Балкан 18 Ноември, 2017
Топењето на ледот на Гренланд е се поголемо и посериозно, а за тоа научниците пред се го обвинуваат глобалното загревање предизвикано од човечките активности.
Иако Гренланд и Антарктикот се наоѓаат далеку од Њујорк и Лондон, топењето на мразот може да им нанесе сериозни проблеми, поточно дека нивото на море ќе се подигне и со самото тоа ќе промени бројни светски брегови.
Различно влијание ќе има на различни градови во различни степени, тврдат научници од НАСА. Какво влијание на кој дел од Земјината кугла ќе има топењето на глечерите зависи од каде и колку вода ќе тече.
Научниците креирале виртуелен глобус на кој е можно да се пронајдат 293 крајбрежни градови и види начинот на кој топењето на мразот ќе влијае на секој од нив.
Њујорчаните, на пример,би требало да бидат најзагрижени поради трите големи глечери на североистокот од Гренланд и три на северозапад . Лондон исто така може да исчезне , додека Сиднеј се грижи поради мразот на север и североисток од Антарктикот.
Кога трите глечери на Гренлад би се стопиле нивото на морето би пораснало за десет цм, предвидува НАСА, што е голема закана за САД. Ако западниот дел на Антарктикот се урне, нивото на морето ќе порасне за 1,2 метри.
И на Европа поради топењето на западниот дел на Гренланд и се предвидува потоп, поточно на градовите Тромс, Осло, Атина, Сиракузи и Дубровник.
Иако процесот на топење на мразните површини на Гренлад има значајно влијание на околината во минатиот век, научниците предупредуваат дека во 21 век тој ќе биде уште поголем.