Нема државна функција па празнува дома: Заев делеше пакетчиња
Објавено во: Македонија 04 Јануари, 2020
Од вчера не е премиер, од денеска е во Струмица. Како што вели дома. Поранешниот премиер Зоран Заев објави фотографии од родниот град - присуствувал на хуманитарен базар со сопругата.
„Прекрасно е да бидеш повторно дома за празниците, со семејството, со пријателите. Денеска со сопругата го посетивме хуманитарниот новогодишен базар, иницијатива на Форумот на жени на ОО СДСМ Струмица. Средствата собрани од донациите ќе ги донираат на социјално загрозените семејства.
Во период на големи празници, овој базар ја испраќа пораката на солидарноста, на топлината на домот, на можноста да помагаме на секој, секаде каде што можеме и во секое време, напиша Заев на фејсбук.