„Нема зошто тука да останеме“- Грција блокираше мигранти на границата со Македонија

Добивај вести на Viber

Грчката полиција вчера спречила околу 200 мигранти и баратели на азил да го напуштат Солун и да се упатат кон границата со Македонија во надеж дека ќе отпатуваат во земјите на ЕУ.

Десетина полицајци во опремата за сузбивање на нереди користеле штитови како би ги запреле мигрантите во близина на центарот на Солун, а патот им го блокирале со полициски автобуси.

Мигрантите , меѓу кои повеќето се од Сирија, Ирак и Сомалија се собрале во текот на денот во Солун, а многумина велат дека се одзвале на повикот на социјалните мрежи, на марш кон грчко-македонската граница во знак на протест поради невозможноста да преминат во други европски земји.

„Немам причини да останам овде. Овде сум шест месеци...Не можам да работам , не можам ништо“, рекол Ахмед Мохамед за американската агенција, кој е барате на азил од Сирја.

Луѓето кои се собрале во Солун наведуваат дека планирале околу 70км да поминат пеш кон север, до пограничниот град Идомени, каде се наоѓаше големиот камп кој е отстранет лани откако балканските земји ја затворија популарната мигрантдка рута кон ЕУ.

ФОТО: Tanjug-AP