НЕПРИЈАТНОСТ ЗА ЃУКАНОВИЌ ВО СКОПЈЕ: Соседите ни се смеат за наопаку поставеното знаме
Објавено во: Македонија 04 Октомври, 2019
Дали намерно или случајно во последно време се прават утки со знамињата на земји чии високи претставници доаѓаат во официјални посети на државата, не знаеме.
Ама знаеме дека соседите не исмеваат со уште еден гаф.
Откако Македонија со погрешно знаме го пречека австрискиот канцелар Себастијан Курц, со холандско знаме пречекан францускиот амбасадор во Општина Охрид, последен во низата гафови се случи со претседателот на Црна Гора Мило Ѓукановиќ кој имаше средби со државниот врв и со шефот на државата.
Ѓукановиќ во вилата на Водно кај претседателот Пендаровски го дочека знаме свртено на обратна страна.
Eкспресно кабинетот на претседателот му прати извинување на кабинетот на црногорскиот претседател.
„Кабинетот на Претседателот на Република Северна Македонија се извинува за превидот за време на официјалната посета на црногорскиот претседател Мило Ѓукановиќ . Несакан превид беше направен за време на подигнувањето на црногорското знаме на тет-а-тет средбата на двајца Претседатели“, се наведува во извинувањето од кабинетот на Пендаровски.