Николоски: Kакви се правата на Македонците во Бугарија?
Објавено во: Македонија 17 Февруари, 2021
Македонците во Бугарија не може да говорат на македонски, рече потпретседателот на ВМРО-ДПМНЕ, Александар Николоски.
Тој вели дека најмал проблем е чии права ќе бидат прифатени за тоа што Македонија е демократско општество и секој човек треба да има индивидуални права.
„Никој во Македонија никому не му прави проблеми да се идентификува како што сака и да го зборува мајчиниот јазик за кој мисли дека му е мајчин. Прашањето е друго – какви се правата на Македонците во Бугарија? Зошто Македонците не може да се произнесат како Македонци во Бугарија и зошто не може да го зборуваат македонскиот јазик, ниту да имаат училишта на македонски јазик“, праша Николоски.
Николоски додаде дека прашањето е и зошто Бугарија не ги почитува одлуките на Меѓународниот суд на правдата во Стразбур, кои бараат да се регистрираат македонски здруженија на чело со „ОМО Илинден“ и „Пирин“ и да се овозможи здружување на национална македонска основа, како и образование на македонски мајчин јазик.
Бугарскиот дипломат, поранешен министер за одбрана и бивш амбасадор во НАТО, Бојко Ноев, вели дека тие не го спорат идентитетот на Македонците.
Според него, тие не го спорат ниту јазикот, туку само бараат рамноправност за Бугарите.
Подготвен е акционен план за соработка меѓу Софија и Скопје.