Ноев: Правата на Бугарите во Македонија ќе бидат дел од преговарачкиот процес
Објавено во: Македонија 16 Февруари, 2021
Бугарскиот дипломат, поранешен министер за одбрана и бивш амбасадор во НАТО, Бојко Ноев, вели дека тие не го спорат идентитетот на Македонците.
Според него, тие не го спорат ниту јазикот, туку само бараат рамноправност за Бугарите.
„Тоа е меѓународна норма присутна во сите документи на ЕУ. Без тоа не може да се продолжи“, изјави Ноев во интервју за бугарското Радио Фокус.
Додава дека правата на
Бугарите во Северна Македонија ќе бидат дел од
преговарачкиот процес.
Бугарската шефица на дипломатијата, Екатерина Захариева изјави дека лага е дека тие го спорат македонскиот идентитет. Таа ова го кажа во интервју за zoom.mk. Захариева вели дека ова многу пати го кажале и дека македонските политичари тоа го знаат. Рече дека со признавањето на државата тоа е решено.