НОВ ЗАКОН: Чесите смеат да пукаат во терористи
Објавено во: Свет 29 Јуни, 2017
Долниот ден на чешкиот парламент изгласа уставен закон кој на Чесите ќе им даде право личното, легално огнено оружје да го употребат по сопствена проценка за заштита на земјата и безбедноста.
Ова пред сѐ е за да „пукаат во терористи“.
Правото да посегнат по оружје и да го застрелаат терористот, а не само како до сега да пукаат во нужна одбрана на животот, здравјето или имотот, ќе го имаат само државјаните на Чешка на нејзина територија.
Чешката полиција и министерот за внатрешни работи, Милан Хованец законот го предложија како реакција на влошената безбедност и терористичките напади во Европа кои, ја одминуваат Чешка.
За тоа да се внесе во Уставот реченицата дека граѓаните на Чешка имаат право да набавуваат, поседуваат и носат огнено оружје за да ја заштитат земјата гласаа 135 од 168-те присутни пратеници.
Противниците на уставните промени предупредуваат дека тие ја претвораат Чешка во „див запад“, каде каубојски ќе посегнува по револверите кој и како сака, а и на тоа дека тие измени не ги поништуваат ефектите на новите европски насоки за забрана на некои видови оружје.
Претседателот на Чешка Милош Земан ќе го потпише законот, откако повеќе пати побара токму поради потенцијални терористички напади Чесите да добијат такво право да пукаат во терористите.
Чешка е шестата најбезбедна земја во светот.