Нови информации за очекуваните флагмански телефони „Lumia“
Објавено во: Стил 21 Јули, 2015
Извори на кинескиот сајт „ItHome.com“ споделуваат повеќе информации за новите флагмански смартфони во серијата „Lumia“, кои корисниците на „Windows Phone“ ги очекуваат толку одамна. Според деталите двата уреди ќе се викаат „Lumia 950“ и „950 XL“ наместо 940, како што претходно се пишуваше. Се наведува дека пазарната премиера на моделите ќе биде во октомври или ноември, но не е исклучено нивната презентација да биде порано - во последно време се појавија гласини и најави за време на саемот „IFA“ во почетокот на септември.
Информациите тврдат дека двата телефони ќе понудат екран со резолуција „WQHD“, но ќе имаат и различна дијагонала на екранот - 5,2 "и 5,7". „Microsoft Lumia 950“ е познат со кодното име „Talkman“ и се зборува дека неговите технички карактеристики ќе вклучат чипсет „Snapdragon 808“, 3GB RAM, две камери со резолуција 20МР и 5МР, 32GB внатрешна меморија со можност за зголемување и заменлива батерија со капацитет 3000mAh.
За „Microsoft Lumia 950 XL“, кој е познат како „Cityman“, се тврди дека ќе користи чипсет „Snapdragon 810“ и ќе има батерија со капацитет 3300mAh, а останатите карактеристики се слични на оние на „Lumia 950“. За двата модела се наведува дека ќе имаат тенко куќиште со метална рамка, ќе имаат USB-C порта и ќе одржуваат функцијата „Continuum“, која ќе се користи преку дополнителен додаток. Даниел Рубин од „Windows Central“ ја потврди информацијата за скрин резолуција и додал дека и двата телефони ќе имаат троен „LED“ блиц.
Можеби ќе ве интересира
Мемедоски е македонскиот претставник на „Светскиот избор за Мис и Мистер за глуви“ во Прага: Бог ме направил различен од другите, но ми подарил повеќе таленти
