Обама тврди дека знае зошто Хилари не победила

Добивај вести на Viber

Председателот на САД Барак Обама кој наскоро ќе ја напушти Белата куќа, оценува дека Хилари Клинтон не работела во предизборната кампања како тој во 2008 година кога победил.

Според неговите зборови, демократската кандидатка не успеала да се појави секаде и дека поради тоа ги изгубила “белите, неурбани“ гласови.

Во текот на кампањата Обама неколку пати „гостувал“ на митинзите , каде, за разлика од неа, оставил подобар впечаток и обезбедил поддршка во поедини рурални делови како и во клучни држави на средниот запад.

„Начинот на кој ние се организираме политички е нешто што мораме да посветиме повеќе време. Верувам дека имаме подобри идеи, а исто така верувам и дека добрите идеи не вредат ако луѓето не ги слушнат. Еден од проблемите на Демократите е тоа што не стигнавме да ги посетиме сите. А моравме. Мораме да работиме и во провинција, тоа беше клучна ставка во мојата кариера“, оценил Обама.

Тој наведува дека Демократите морале да имаат стратегија за сите 50 држави како би се вклучило целото избирачко тело.

„Знаете јас победив во Ајова бидејќи демографските работи тоа го одредуваа, тоа е затоа што поминав 87 дена во пат и низ најмали градови и окрузи каде мислев дека ќе загубам. На крај, изгубив 20 поени, а моќев 50. Постојат окрузи во кои победив , а во кои тоа не е очекувано. Тоа го успеав бидејќи луѓето можеа да ме видат, слушнат и да добијат чуство дека навистина се борам за тоа“, истакнал Обама.

Претседателот во заминување повикал на нови гласови и нови идеи како во иднина би се обликувала Демократската партија.