ОДБЕГНУВАЈТЕ ГИ: Негативни ставови кои ја убиваат среќата!

Добивај вести на Viber

Среќата е еден од најважните сегменти на успешен и добар живот. Без неа секој ден ќе биде црн. Колку сами влијаете на својата среќа, а со тоа и на текот на животот?

„НЕМАМ ДОВОЛНО“

Одреден вид на луѓе секогаш се жалат, наведува „Curiousmob“. На нив ништо не им е доволно и секогаш сакаат повеќе од се. На нив е многу тешко да им се удоволи. За нив најважно е да научат да го почитуваат она што го имаат и да сфатат дека многу луѓе се би дале да го имаат нивниот живот. Толку има несреќа на овој свет што е  незабележливо да се биде себичен, незадоволен и неблагодарен.

„Среќата ми е предодредена“

Да се создава среќа и да се биде среќен не е исто. Среќата е да се живее за момент и да се чуствува посебно. Создавањето на среќа пак е долготраен процес. Проблем е што сите сакаат да бидат среќни, но малку кој сака да се занимава со создавање на среќа. Луѓето ја сакаат среќата на тацна и сметаат дека таа им е одредена со раѓањето. Не можете често да бидете среќни, а вистинската и голема среќа е нешто за што мора да се борите и на што мора да работите подолг временски период.

„Се што правам има апсолутна смисла и за другите“

Оптеретувањето со туѓото мислење најчесто ги прави луѓето несреќни. Не можете цел живот да живеете во потрага за логика во се што правите. Иако другите ќе негодуваат и ќе е обидат да ве запрат, најдете го својот пат да бидете среќни. Верувајте во себе и немојте да ги правите работите само за да имало смисла тоа за другите.

„Не сум доволно добар“

Сомневањето во себе создава најотровни мисли. Немојте да создавате омраза кон себе поради некои неуспеси бидејќи сите ги имаме и тие се нормални. Научете тоа да го претворите во љубов кон себе и верба во себе која сигурно ќе ве турне напред и мотивира. Сомнението ве спречува да правите големи дела, но и оние малите кои раѓаат среќа.

„Морам на сите да им се допаднам“

Поентата не е во тоа да ги направите сите околу себе среќни туку вие самите да бидете среќни. Додека се трудите да им се допаднете на другите немате време и енергија да ги правите работите кои ќе ве направат среќни. Тоа веќе нема да бидете вие, туку она што другите го сакаат.

„Се тоа веќе го слушнав и видов“

Како што Ајнштајн одамна рекол, знаењето нема граници. Што повеќе учите толку повеќе го зголемувате вашиот капацитет за учење. Имајте отворен ум и дајте им шанса на некои работи. Од се може да се научи нешто ново. Никогаш не знаете што одредила судбината за вас.

„Морам се да држам под контрола“

Доколку имате потреба да го контролирате се тогаш веројатно ќе преживеете голема фрустрација кога сфатите дека има многу работи кои не можете да ги контролирате како што се понекогаш неуспехот, бесот и стресот. Кога престанете да се трудите нервозно да ги држите сите конци во раце, среќата сама ќе дојде.

„Во иднината се изгорев и повеќе не сум во состојба да сакам“

Непотребно е да се пишува за тоа колку овој став е лош. Тој ја блокира секоја шанса повторно да бидете среќни. Тешко е да продолжите после емоционални трауми но ништо не може да ве издигне како нова љубов, пријателство или среќа која доаѓа. Секогаш бидете отворени за нови енергии.

„Се доживувам лично“

Не е се што се случува директен напад на вас. Ваквите мисли може да ве изедат и нема да имате мир. Има моменти кога чуствувате дека не сте сакани и почитувани, но мора да сфатите дека и други имаат проблеми во животот и не можат константно да внимаваат на вас, а тогаш треба да имате разбирање.

„Премногу сум зафатен за семејството и пријатели“

Ова се најважните аспекти на вашиот живот кои не смеете да ги занемарите бидејќи ќе бидете многу несреќни доколку еден ден се свртите и сфатите дека не поминувавте доволно време со најблиските. Тие за вас се столб на потпирање, некој кој ве сака и кој секогаш ќе биде тука. Ова е основата на среќата.

„Тоа што не го знаат не може да ги повреди“

Никогаш немојте да ги лажете другите колку и да е тоа за нивно добро. Сепак, некои сакаат да ги излажат отколку да ја слушнат вистината која не им одговара. Со лагите може да се вплеткате во многу лоша мрежа. Ќе бидете несреќни поради фактот дека некој го лажете, а се може многу лошо да заврши.

„Подобар сум од другите“

Држете ја својата гордост под контрола инаку луѓето ќе ви свртат грб. Не гледајте ги другите од висина бидејќи за тоа не постои причина. Кажете секогаш извини и благодарам кога тоа треба и научете да прифаќате гршка. Сите успешни луѓе имаат нешто заедничко, а тоа е умереноста.