Онур го победи карциномот: Филипче на јунакот му посака среќно детство
Објавено во: Македонија 10 Јуни, 2020
Емотивно видео на кое вработените од Детската клиника го испраќаат Онур дома објави министерот за здравство Венко Филипче. Детето успеа да ја победи битката со ракот и сега заминува дома. Оваа недела е посветена на сите кои победиле карциномот.
„Деновиве, нашиот јунак Онур го испративме дома од хемато-онколошкото одделение од Клиниката за детски болести. Онур уживај во детството, биди среќен и продолжи да се смееш! Го славиме животот со сите деца кои го победиле ракот, тоа се нашите јунаци, непобедливи, напиша Филипче.