Осудените за Диво Насеље збеснаа: Ова е Албанија, не го признаваме судот

Добивај вести на Viber

Осудените за нападите во кумановската населба на повторното судење во Апелација во Скопје рекле дека не го признаваат судот и адвокатите кои им се доделени.

-За нас овој суд не постои. Ова е Албанија. Адвокатите кои ни се доделени немаат право да зборуваат наместо нас. Четири години слушаме, сега слушајте не вие нас-рекол Генц Сефај , еден од осудениците.

Тие во судницата рекле дека целиот судски процес е изрежиран од страна на коалицијата на Никола Груевски и Али Ахмети, и барале, како сведоци да бидат прифатени екс премиерот Груевски, екс директорот на УБК Сашо Мијалков, актуелниот лидер на ДУИ Али Ахмети, поранешниот шеф на државата Ѓорге Иванов, Стојанче Ангелов, Муса Џафери, Садула Дураки како и други високи претставници и актуелни функционери на ДУИ.

По ова, осудениците ја напуштија јавната седница која е продолжена во присуство на нивните адвокати.

Судот во Скопје на осудените им изрече седум доживотни казни, 13 казни затвор во траење од 40 години, шестмина од нив се осудени на 20 години затворска казна, еден доби 18 години затвор, двајца 14 години, двајца 13 години, а четворица од нив поради недостиг на докази се ослободени.