ОТПУШТЕНИ ДВАЈЦА ПАЦИЕНТИ ОД БОЛНИЦАТА ПИРОГОВ: Медицински тимови ги пренесуваат во Македонија
Објавено во: Македонија 27 Ноември, 2021
Двајца од
настраданите во големата трагедија на автопатот Струма во Бугарија денеска беа
отпуштени од болницата Пирогов.
Д-р Анастасија Викторова од Клиниката за изгореници и пластична хирургија ги предаде пациентите на медицински тимови од Македонија, пишува БГНЕС.
Отпуштените пациенти се стабилни и во добра општа состојба. Се очекува тие да бидат сместени на опсервација во медицинските установи во нивната татковина, изјави д-р Викторова.
Останатите 4 жртви од истиот инцидент се во добра општа состојба. Седмиот пациент, кој претходно беше опериран на Клиниката за ортопедија и трауматологија, а подоцна и на Клиниката за неврохирургија, е во стабилна состојба, непроменета од вчера.