Парк Резиденс со новогодишно изненадување за здружението за помош и поддршка на лица со Даунов синдром-Трисомија 21

Добивај вести на Viber

Во пресрет на Новогодишните и Божиќните празници, мотивирани од идеата дека секој човек треба да ја почувствува топлината и среќата на новогодишните празници, денес компанијата Парк Резиденс ги изненади лицата од здружението за помош и поддршка на лица со Даунов синдром - Трисомија 21 од Скопје, подарувајќи им вредносен ваучер од Џамбо, со кој самите тие имаа можност да си го одберат новогодишниот подарк кој го посакуваа.

Во предновогодишен амбиент и одлична атмосфера, дечињата се веселеа на изненадувањето и вниманието кое го добија од компанијата Парк Резиденс, која имаше за цел да им пружи различно од вообичаените, заедничко дружење, кое ќе остане засекогаш во сеќавањето на овие деца.

“Ние ќе бидеме задоволни ако денес успееме да предизвикаме барем една насмевка кај лицата кои во овој момент имаат потреба од посебна грижа. Секој човек  има право на новогодишна радост и среќа. Во оваа прилика на сите сакам да им  посакам најубави желби за Новата Година, како и да ги поттикнам сите оние кои се во можност, со својата хуманост да ги разубават и развеселат празниците на лицата кои не се во можност од различни причини да се радуваат на новогодишните празници како останатите ”, изјави извршниот директор на Парк Резиденс - Нина Шерифовска.

Ова е само една од општествено одговорите активности кои оваа компанија постојано ги спроведува. Компанијата Парк Резиденс и во иднина ќе продолжи да биде одговорен партнер на заедницата и општеството во кое работи и делува, поддржувајќи проекти и спроведувајќи активности од ваков тип.