Пендаровски - Штајнмајер: Обновен дијалогот на ниво на претседатели со Германија
Објавено во: Македонија 25 Јуни, 2019
Шефот на државата, Стево Пендаровски, денеска во Берлин оствари средба со претседателот на Германија, Франк Валтер Штајнмајер, а неговиот кабинет соопшти дека земјата ќе ја даде потребната помош во евроинтеграциите на Македонија.
„Денешната средба е можност за обновување и интензивирање на дијалогот на ниво на претседатели со цел зајакнување на партнерството меѓу Република Северна Македонија и Сојузна Република Германија“, објави Пендаровски.
Разговорите за билатерални односи и состојбите во регионот Пендаровски ги оцени како одлични. Претседателот на Македонија му порачал на Штајнмајер дека на есен очекува добри вести за отпочнување на преговорите за членство во ЕУ наесен.
„Добивме потврда дека цврстата германска поддршка за нашето членство во ЕУ и НАТО ќе продолжи. Со Германија имаме одлични билатерални односи во многу сфери од заеднички интерес, како одбраната и безбедноста, економијата и образованието.
Изминатата година имавме трговска размена од 4.3 милијарди долари, а во 2019 година тој износ веќе надминува 1 милијарда долари. Му се заблагодарив на преседателот Штајнмајер за постојната германска поддршка за нашата евро-атлантска интеграција и очекуваме добри вести за отпочнување на преговорите за членство наесен“, се додава во соопштението.