Добивај вести на Viber
Илјадници граѓани на Лондон денеска потпишаа петиција со која се бара метрополата да остане во Европската унија.
Претходно градоначалникот Садик Кан изјави дека градот има право да гласа кога станува збор за преговори за напуштање на Британија на ЕУ.
Петицијата е со наслов „За прогласување на Лондон независен од Обединетото кралство и приклучување во ЕУ“, и на сајтот change-org, досега ја потпишаа повеќе од 40.000 луѓе.
„Лондон е интернационален град и сакаме да останеме во Европа. Со оваа петиција го повикуваме градоначалникот Садик Кан да го прогласи за независен и да поднесе барање за членство во ЕУ“- се вели во петицијата.
На референдумот 52 проценти од Британците се изјаснија за излегување од ЕУ, но во Лондон каде што гласаа 60 проценти од жителите, победи опцијата за останување во ЕУ.
Излегувањето на Британија од ЕУ е тема број еден во светот денеска. Се анализира што понатаму со земјата, со економијата, но и со Европската унија каде има нови барања за референдум.