Платформата за онлајн настава ќе биде лесна: Општините да ангажираат дополнителен кадар, а хронично болните наставници ќе предаваат од дома
Објавено во: Македонија 04 Септември, 2020
Министерката за
образование и наука Мила Царовска, денеска по средбата со градоначалниците
изјави дека ги усогласуваат сите детали за почетокот на учебната година,
нагласувајќи дека не треба да се оди во крајности „или образование или здравје“,
туку мора да се најде едно решение кое ќе биде добро за сите. Вели дека
платформата ма која ќе предаваат наставниците, а на која ќе учат децата онлајн
ќе биде многу поедноставна за да може сите да се снајдат.
-Позадинскиот дел е завршен, а кога ќе се направи и интерфејсот, платформата за далечинско учење ќе биде презентира на јавбоста. Оттогаш ќе започне и интензивната обука за која е задолжен тим кој ќе држи предавања за платформата за сите училишта. Секако дека нема да постигнеме сите во ист момент да имаат еднаков квалитет на знаење за платформата, но ако таа биде едноставна, верувам дека наставниците многу брзо ќе се приспособат на неа и ќе имаме добра настава во 2020/2021, рече Царовска
Според градоначалникот на Скопје, Петре Шилегов, кој денеска присуствуваше на состанокот како претседател на ЗЕЛС, не можеме да се најде совршено решение за отпочнување учебната година и исполнување на обврските од страна на општините, но интензивно се работи на прибирање на податоците кои мора да ги достават до МОН до 10.септември.
-Не можеме да најдеме совршено решение за отпочнување учебната година и исполнување на обврските од страна на општините. Треба да се најде доволно добро, како би се гарантирало здравјето на децата. Правото на здравје и образование се паралелни за едно дете. Продолжуваме со разговорите, работиме на обезбдување на технички услови за непречена онлајн настава. Со можностите со кои располагаме материјални и технички, да овозможиме оптимален старт на учебната година. До 10. септември, треба да го известиме Министерството за тоа колку школи ќе почнат со физичко присуство, а колку онлајн. Работиме на условите за непречена онлајн настава, а во овој момент се едуцираат наставнаците за работа на платформата. Часовите за октомври и ноември се снимени и веќе може да се закачат на платформата, потенцираше тој.
Што се однесува пак до наставниците кои имаат некакво хронично заболување и кои поради корона кризата во земјава се ослободени од работа, министерката истакна дека ќе може да држат онлајн натава од дома, а некаде ќе биде вклучен и дополнителен кадар. Рече и дека општините ќе мора да се реорганизираат.
-Оние наставници кои ќе работат од дома, овие денови поднесуваат барања до директорите на училиштата и наскоро ќе ја имаме и таа бројка за тоа колку наставници ќе работат од дома, појасни Царовска.
Анита Буховски