ПОЛИЦАЕЦ СЕ ПОЛАКОМИЛ ЗА 100 ЕВРА МИТО - сега е во притвор

Добивај вести на Viber

Одделот за сузбивање на организиран криминал и корупција, поднесе кривична пријава против Б.Џ., полициски службеник во Одделението за безбедност на патниот сообраќај, СВР Скопје, поради постоење на основи на сомнение за сторено кривично дело “примање поткуп“, по член 357 став 1 од КЗ на РСМ.

„Пријавениот на 24-ти овој месец во својство на полициски службеник, искористувајќи ја својата службена положба и овластување, а со намера да прибави противправна имотна корист, побарал и примил поткуп во износ од 6.000 денари, а со цел да не изврши службено дејствие, односно да не му издаде платен налог на оштетениот за наводно сторен прекршок во сообраќајот, иако во рамките на своето службено овластување морал да го изврши. Подоцна истиот ден пријавениот ја примил паричната награда“, велат од МВР.

По поднесувањето на кривичната пријава, таа е доставена до ОЈО ГОКК и Б.Џ. е изнесен пред Судија на претходна постапка, кој му одредил мерка притвор во траење од 30 дена.

Истовремено, отпочната е постапка за утврдување на дисциплинска одговорност пред надлежната комисија, од страна на Одделот за внатрешна контрола, криминалистички истраги и професионални стандарди.