Помошникот генерален-секретар на ОН Мирослав Јенча се сретна со Заев
Помошникот генерален-секретар на Обединетите нации за политички прашања Мирослав Јенча ја заврши посетата на поранешна југословенска Република Македонија
Објавено во: Мои пари 06 Март, 2018
Помошникот генерален-секретар на Обединетите нации за политички прашања Мирослав Јенча ја посети поранешна југословенска Република Македонија од 4 до 6 март
Во Скопје, Јенча се сретна со премиерот Зоран Заев, претседателот на Собранието, Талат Џафери, министерот за надворешни работи Никола Димитров, претседателите на собраниските комисии, претставници од граѓанското општество, дипломатскиот кор и тимот на Обединетите нации.
Помошникот генерален секретар на ОН ја поздрави посветеноста на премиерот Заев за спроведување на реформите како и заложбите на владата за демократија, владеење на правото, човековите права и меѓуетничките различности. Тој понуди поддршка од системот на Обединетите нации во спроведувањето на реформите, особено во областа на достигнување на Целите за одржлив развој.
Јенча ја поздрави и активната поддршка на владата за тимот на Обединетите нации во земјата, како и учеството во работата на ОН и на глобално и на национално ниво. На средбите беше нагласена и важната улога на политичките лидери и граѓанското општество во спречување на поделбите и во унапредување на правата на малцинствата и јакнење на улогата на жените.
Помошникот генерален секретар на ОНсе осврна и на посветеноста на владата за подобрување на односите со соседите, нагласувајќи дека направените чекори испраќаат важна порака за зголемена регионална соработка и надминување на наследството од минатото во клучен временски период. Обединетите нации целосно ги поддржуваат овие напори.