ПОРАНЕШЕН ИНСПЕКТОР ЗА ДАНКА: Тоа `нема тело – нема дело` веќе не важи, тие времиња поминаа

Добивај вести на Viber

Драгиша Ремовиќ, поранешен инспектор на Одделот за крв и сексуални деликти на белградската полиција кој во интервју за порталот „Нова.рс“ објасни колку ќе трае потрагата по телото на малата Данка  Илиќ(2) која исчезна на 26 март и за која потоа се уапсени двајца мажи кои признаа дека ја убиле. 

Тој објаснува што ќе се случи доколку телото не се најде, односно дали претресот ќе биде прекинат.

„Потрагата по телото на Данка, всушност, никогаш нема да заврши. Нема рок во кој претресот е прекинат. Лицата, мртви или живи, засекогаш остануваат на списокот на исчезнати лица и полицијата ќе продолжи да трага по нив. Единствено што веројатно ќе се случи е потрагата да продолжи со намален интензитет, но сигурно нема да запре“, вели Ремовиќ.

Кажа дека телото не е потребно ниту за истрага, а потоа и судска постапка, се разбира, доколку има други материјални докази кои обвинителството може да ги изведе.

„Тоа `нема тело – нема дело` веќе не важи, тие времиња поминаа. Овде, конкретно, во случајот со судењето на групата на Вељко Беливук, немате тела, но имате други докази, имате сведоци кои соработуваат, пронајдени се ДНК траги од жртвите. Во овој случај нема `инсајдер` – сведок соработник, а секој што е потенцијален сведок, доколку го видел телото на девојчето, станал соучесник затоа што не пријавил во полиција. Но, и без тело може да бидат осудени, доколку има други материјални докази. Важно е истрагата да ги `врзе` со местото и со жртвата. Доколку се најдат траги од нејзината ДНК на или во автомобилот, тоа може да биде клучен доказ за истрагата, бидејќи нема друго рационално објаснување за биолошките траги на малото девојче во возилото“, објаснува поранешниот инспектор на белградската полиција.

Доколку не се најде ДНК во автомобилот, тоа ја менува ситуацијата, бидејќи и покрај признанието во полиција, осомничените секогаш можат да го сменат исказот, во секое време од постапката. 

Срѓан Јанковиќ (50) и Дејан Драгијевиќ (50) признаа дека ја удриле Данка со автомобил во Бањско поле. Потоа ја ставиле во автомобилот, а кога сфатиле дека девојчето е  живо, го убиле и телото го фрлиле.

Со денови српската полиција трага по девојчето.