Повторно најдена неексплодирана граната во битолско
Објавено во: Македонија 02 Март, 2020
Во битолско уште има стари неексплодирани гранати од Првата Светска Војна. Деновиве бил регистриран втор таков случај, кога човек копајќи во својот двор, пронашол граната и за тоа ја известил Полицијата. Таа потоа била безбедно подигната.
„На 01.03.2020 во 17.30 часот во СВР Битола, С.П. пријавил дека при копање во дворот од куќата на ул.„Илинденска“ во Битола пронашол стара неексплодирана граната. Полициски службеници извршиле увид на местото, а од страна на пиротехничар од Дирекцијата за заштита и спасување било констатирано дека се работи за рачна граната од Првата Светска Војна. Гранатата била безбедно подигната од местото“, стои во соопштението од МВР.