Пратениците конечно ќе гласаат за наследникот на Зврлевски
Објавено во: Македонија 21 Ноември, 2017
Пратениците во сабота на 25 ноември ќе гласаат за избор на новиот Јавен обвинител на Република Македонија по предлогот кој го достави Владата. Претседателот на Собранието Талат Џафери ја закажа седницата на која треба да биде именуван новиот главе јавен обвинител на Република Македонија.
По предлог на Владата избран е Љубомир Јовески кој веќе 15 години е дел од ЈОРМ и беше заменик јавен обвинител на Марко Зврлевски.
Ова ќе биде втора продолжена работна седмица за пратениците кои во саботата расправаа за прераспределбата на средства од Буџетот за 2017.
Владата му предложи на Собранието за јавен обвинител на Република Македонија да биде именуван Љубомир Јовески, член на Советот на јавни обвинители.
За именување на јавен обвинител Собранието одлучува со просто мнозинство од 61 глас. Јавниот обвинител има мандат од шест години со право на повторно именување.
Засега нема најави дали на истата седница ќе бидат предложени и нови кандидати за министри и заменици во владата на испразнетите места, а долго време се чека решение за новиот министер за здравство откако Арбен Таравари победи на локалните избори во општина Гостивар.Можеби ќе ве интересира
Петгодишно дете пронајденo со полиција во паркот во Сарај
Пронајдена човечка коска од гробишта каj Клинички центар
Од МВР нема одговор за „вооружената група во Чаир и Бутел“
Каевски и Мојсовски сметаат дека политички се обвинети од ОЈО
Нема да се знае кога ќе биде доведен Палевски, поради безбедносни причини
Деспотовски: Ново партиско раководство што ќе подаде рака кон членството
Изет Меџити кандидат за министер за внатрешни работи: Ќе видиме наредните денови
