Прошетка од 25 минути дневно го продолжува животот за 7 години
Објавено во: Стил 01 Септември, 2015
Дневна прошетка од околу 25 минути е во состојба да го продолжи животот на практикантите до 7 години, тврдат научниците.
Според студија редовните прошетки го намалуваат на половина ризикот од смрт од инфаркт.
„Вежбите ви даваат меѓу 3 и 7 дополнителни години живот. Станува збор за вистински антидепресив кој ја зголемува когнитивната функција и сега има докази дека може да биде одложена појава на деменција“, тврди Санџај Шарма, кој работи како кардиолог во Лондон, цитиран од весникот „Daily Mail“.
Истражувањето за користа од секојдневната прошетка беше направено од страна на тим на универзитет во Германија. Во програмата беа вклучени луѓе кои не правеле вежби, но се наоѓале во добра здравствена состојба.