ПРОТЕСТ НА НОВИНАРИТЕ ПРЕД ВЛАДА: Бараме властите да покажат дека се залагаат за слободно изразување!
Објавено во: Македонија 12 Март, 2018
Денес пред Владата на РМ новинарите излегоа на протест со кој дадоа поддршка на нивниот колега и претседател на ЗНМ, Насер Селмани. Тие бараат да се обелодени и расчисти случајот во кој Беќир Асани функционер на ДУИ упати закани до нивниот колега и го нарече „копиле“.
На овој протест се присутни и повеќето портпароли на владата кои се поранешни новинари.
Поранешниот новинар Роберт Поповски кој сега e министер без ресор во Владата на Република Македонија, задолжен за комуникации, отчетност и транспарентност истакна дека владата не е единствената институција за реагирање.
Претседателот на Здружениието на новинари Насер Селмани упати силна порака до насилниците.
„Не му се плашев на Груевски кога неговите силеџии ми се закануваа. Не им се плашам ниту на насилниците на ДУИ. Сега е време да се направи разлика, кој е со насилниците, а кој е за слободна Македонија. Уште една порака до моите колеги, да продолжат со работата, никој ништо не им може“, рече Селмани
Новинарите бараат Владата да покаже дека се залага за функционирање на секој сегмент на правната држава, посебно кога е во прашање слободата на изразување и интегритет на новинарите.