Додека пукале во таткото, му го убиле 8-годишното синче во кумановско
Објавено во: Македонија 22 Април, 2019
Во близина на село Слупчане, во кумановско, маж е пронајден застрелан во неговиот автомобил, а трагедијата станува уште поголема што на истото место животот му бил одземен на неговиот осумгодишен син. Најверојатно смртта на дететео се случила кога напаѓачите истуриле рафал над неговото возило.
Случајот е пријавен доцна синоќа, околу 22:40 часот, а крвавиот напад се случил кај „Слупчански бунар“. Познато е дека станува збор за автомобил „опел астра“ со регистарски таблички СК 4080 АО. Во него било пукано од друго возило.
Обвинителството изврши увид на местото на злосторот, а возило е опсипано со повеќе куршуми. Таткото и малиот син починале веднаш од здобиените повреди.
МВР пронашло поголем број испукани чаури, а ќе се вештачи и возилото и ќе се изврши обдукција над телата.