РЕДИЦИ ЗА ДРЖАВНА ПОМОШ: Милиони Американци чекаат за надомест за невработеност

Добивај вести на Viber

Последните податоци на Министерството за труд на САД покажуваат дека во текот на минатата недела околу повеќе од 3 милиони граѓани кои останале без работа поднеле барања за обештетување. И покрај тоа што, од недела во недела барањата за надомест за невработеност се намалува, сепак станува збор за огромен број луѓе кои поради пандемијата го загубија работното место или привремено останаа без работа.

Според економскиот аналитичар во Naroff Economics, Џоел Нароф, пред минатата недела, аплицирале скоро 4 милиони Американци за државна помош, како надомест за невработеност, но тој вели дека нивото е се уште огромно.

-Бројот на невработени ќе продолжи да оди во нагорна линија, дури и со постепено продолжување на економската активност, бидејќи и локалните власти и компаниите отпуштаат  работници, откако нивните обиди за одржување на статус кво не вродија со плод, вели Нароф. .

За САД најтежок месец беше морт кога дури 33 милиони Американци побарале помош од државата за тоа што останале без работа, по што последните економски анализи на експертите покажуваат дека економијата во САД, уште долго ќе се закрепнува по мерките кои беа воведени за спречување на ширењето на пандемијата на корона вирусот. Според Ројтерс, станува збор за најголем пад на економијата во САД по кризата од 2009 година.