СДСМ ја започна кампањата против техничкиот министер: Наќе Чулев има хипотека за „Диво Насеље“

Добивај вести на Viber

СДСМ вчера го прифати предлогот на ВМРО-ДПМНЕ за Наќе Чулев да биде технички министер за внатрешни работи во наредните 100 дена пред парламентарните избори, но веќе од денеска започна со црната кампања против кандидатот на опозицијата.

„Јавноста треба да знае дека кандидатот на ВМРО-ДПМНЕ за министер за внатрешни работи во преодната Влада, Наќе Чулев, беше директор на Агенцијата за разузнавање во време кога се случија настаните во „Диво Насеље”.

Оваа хипотека ќе има негативни импликации во јавноста но и кај вработените во МВР.

СДСМ изразува жалење што во ВМРО-ДПМНЕ ништо не се променило. Мицкоски, и преку овој избор за негова ноиминација, се обидува да ја враќа земјата назад во деновите на сериозни внатрешни конфронтации“, се вели во утринското соопштение испратено од „Бихаќка“.

Од Социјалдемократскиот сојуз додаваат дека нема да дозволат внатрешни конфронтации во самата техничка Влада, осносно дека нема да дозволат, како што велат од таму, тоа да се преслика во општеството.

„Тоа нема да дозволиме да се случи, граѓаните можат да бидат спокојни. СДСМ со сиот свој капацитет ќе ја обезбеди внатрешната стабилност и демократскиот амбиент пред и за време на изборите на 12 април.

Ова покажува дека во ВМРО-ДПМНЕ ништо не се променило, тоа е истата партија на Никола Груевски, истата началничка и режимска политика, а тоа граѓаните ќе го казнат на 12 април“, пишува во соопштението.