Села пoрача Заев да смисли позиција заменик премиер за носење бурек

Добивај вести на Viber

Претседателот на Алијансата за Албанците, Зијадин Села по средбата со премиерот Зоран Заев кажа дека не сака да се откаже од Министерството за здравство.

„Остануваме на ставот дека нема да прифатиме позиции кои се токмат преку ноќ и со кои се омаловажува Алијансата за Албанците. Јас предложив друга позиција да смисли премиерот-заменик премиер за носење бурек која ќе му ја дадам на ДУИ. Ние го држиме Mинистерството за здравство, договорот е направен за ресори кога се направи владата. Ако на некој му пречи успехот треба да излезе и да каже дека е проблем да имаме успешни министри. Ако треба да има договор треба да се однесува на целата владина коалиција. Заев ќе ви го соопшти неговиот став“ - вели  Села. 

Тој рече дека остануваат во Владата. 

„Ние сакаме остатоци од режимот кои се во оваа Влада да сносат одговорност. Правдата е целосна ако се однесува на сите, без разлика дали се сегашни или бивши функционери“- вели Села. 

Ако Заев испрати предлог за министер за здравство, односно ако настапи со нивниот предлог Села кажа дека Алијансата за Албанците ќе заземе став дали ќе излезе од Владата. Се надева дека премиерот Зоран Заев ќе покаже дека е сериозен.