СЕЛА сведочеше за нападот од 27 април
Објавено во: Македонија 19 Февруари, 2018
Лидерот на Алијансата за Албанците, Зијадин Села, денес сведочеше за она што му се случило за време на немилиот настан од 27ми април.
Видел гневна толпа, луѓе со фантомки, истрел од пиштол... потоа бил удиран со монитор и со копје од знаме по што се зашеметил и паднал на земјата...Вака изгледаше она што денес го кажа тој за немилиот настан. Исто така сведочеше дека бил следен од некоја девојка, за која претпоставува дека е новинарка, го снимала и му велела дека ќе биде нападнат.
Се онесветил во соба 334 во Собранието, потоа од полицијата бил маскиран како нивен колега и бил изнесен од Собранието со што го однеле прво на Карил а потоа и во тетовската болница. Тој вели дека сѐ уште се лекува со терапија и има проблеми со меморијата.
Десетмината обвинети не признаваат вина. Девет од нив се во затворски, а еден во домашен притвор.