Шилегов: „Ленинова“ не ја враќаме во чест на Владимир Илич
Објавено во: Македонија 19 Февруари, 2021
Градоначалникот на Скопје, Петре Шилегов, денеска пред медиумите рече дека меѓу новите предложени 571 имиња наменети доминантно за улици се враќа и стариот назив на „Аминта Трети“ познат како „Ленинова“.
Градоначалникот рече дека тоа не се прави во чест на советскиот лидер Владимир Ленин, туку поради тоа што улицата е култна.
„Ленинова не е во чест на Владимир Илич. Ленинова е Ленинова за скопјани Ако тоа не можете да го разберете, не можете да размислувате да бидете дел од Скопје во оваа смисла за која зборувам. Таква насилно скршена волја на граѓаните мораме да ја коригираме. Скопјани никогаш не сакале таа улица да се преименува“, рече Шилегов.