Што евидентираше викендов сообраќајната полиција?
Објавено во: Македонија 26 Март, 2018
Сообраќајната полиција во текот на изминатите денови, на подрачјето на СВР Скопје евидентирала 27
сообраќајни незгоди. Едно лице загинало,
со тешки телесни повреди се здобил пешак, а во девет лица се здобиле со полесни
повреди. Во 16 сообраќајки била причинета материјална штета.
Според информациите од МВР, викендов сообраќајната полиција открила и
санкционирала поголем број прекршоци. Деведесет и шест возачи се движеле со
брзина поголема од дозволената, 12 возачи поминале на крстосница на црвено
светло, шест возачи не дале првенство на минување на пешаци на обележан пешачки
премин, пет возачи за неправилно престројување, тројца возачи за неправилно
престигнување и четворица возачи кои не дале првенство на минување на возилата
во зона на крстосница. Санкционирани биле и еден пешак кој поминал коловоз вон
пешачки премин и тројца пешаци кои поминале коловоз на црвено светло.
Од сообраќај биле исклучени четворица возачи кои го управувале возилото под дејство на алкохол, 34 возачи пред да се стекнат со право на управување на моторно возило и тројца возачи почетници, како и 24 нерегистрирани возила и едно возило за претовар.
Викендов вкупно 196 возила се затекнати непрописно паркирани, а со специјалното
возило пајак, отстранети биле 144 возила.